Karu Vizinhu:

N kria kontata nhos pan partilha un poku sobri kuze ki mi ku nhas kolegas tem stadu ta trabadja pa risolvi krisi di saúdi públiku y ekonómiku kausadu pa COVID-19. Embora keli  eh un mumentu di inserteza pa munti alguen, nu sta ta trabadja na nhos nomi pa prutegi públiku y stabiliza ekonomia. Keli eh alguns disenvolvimentu na últimus dia:

Hoji, Guvernador anusia ma tudu empresas ki eh ka esensial debi ser operadu di kasa ou à distansia apartir di manhã. Mersiaria, postus di gasulina y ristorantis (pa entrega y pa buska kumida) ta kontinua ta opera. Pa un lista kompletu di negósius esensial ki ta pirmanesi abertu, konsulta kel link li:  https://www.mass.gov/doc/covid-19-essential-services

Nkuantu Skolas Públiku di Boston (BPS) sta fitxadu, lembra ma rifeison di skola sta dispunível pa rekolhi na kes lokal li: https://www.bostonpublicschools.org/Page/8098

Pa lida ku aumentu di prukura, Departamentu di Asistênsia a Disimpregu (DUA) sa realiza kâmaras munisipal virtual pa kes ki mesti fazi purgunta sobri aplikason y binifísius. Bai na kel link li pa bu odja modi ki bu ta txoma: https://www.mass.gov/forms/massachusetts-department-of-unemployment-assistance-dua-virtual-town-halls

Simana pasadu, mi ku nha kolegas aprova un orsamentu suplimentar di imergênsia di 15 milhon di dólar pa kombati es surtu du coronavírus. Kes fundu li as bem apoia esforsus di monitorizason, tratamentu, kontenson, sensibilizason y privenson di Commonwealth kontra kel novu coronavírus pa parti di Departamentu di Saúdi Públiku di Massachusetts (DPH), konsedjus rigional y lokal di saúdi, y otus intidadi públiku. Pa informason atualizadu sobri esforsus di DPH, konsulta li: https://www.mass.gov/resource/information-on-the-outbreak-of-coronavirus-disease-2019-covid-19

Simana pasadu, Commonwealth anusia un invistimentu di imergênsia di 200 milhon di dólar na MassHealth pa prestador di kuidadu di saúde krítiku, inkluindu sentrus di saúdi kumunitáriu y furnesidoris agudus di redis di siguransa. Es fundu as ben apoia nos fornesidor médiku di primeru linha, y es sa ben garanti ki menus alguen ten ki bai hospital. 

DPH di Massachusetts imiti direson dia 15 di marsu, sigundu kual tudu impresas di siguru kumersial y kumison di Siguru di Grupu eh obrigadu a kubri sirvisus di telesaúdi medikamenti nesesáriu di mesmu manera ki eh ta kubri sirvisus en pisoa. Es ixigi també pa hospital limita visitantis y kansela prusidimentus kes ta konsidera ka esensial.

Pa prutegi idosus, DPH imiti orientason ki na risidênsias ki tem asistênsia es sa pruíbi visitantis pa prutegi saúdi di risidentis y di kes ki ta trabadja la. Keli eh por alén di orientason federal imitidu na sexta-fera ki ta pruíbi visitantis pa lar di idosu y lar di ripousu.  

Tambe n txoma Divison di Siguru (DOI) pa limita empresas di sigurus di kansela kubertura dividu a falta di pagamentu duranti es krise. Ninguén debi fika sen siguru di saúdi nes mumentu krítiku, y MassHealth també abri un piríudu spesial di inskrison pa tudu risidenti sen siguru. Na mesmu spíritu di sirvisus kontinuadus, Dipartamentu di Sirvisus Públiku di Stadu (DPU), anusia un moratória sobri inseramentu di sirvisus públiku, diskonexon di sirvisus y otus atividadi relasionadu ku rikolha duranti es krise pa garanti ki idosus, famílias y tudu risidentis kontinua a ten asesu a sirvisus básikus.

Stadu anusia un prugrama di impréstimus di jurus baxu na valor di 10 milhon di dólar a pikenas empresas y sen fins lukrativu, sen pagamentus na primerus 6 mes. Agênsia di Geston di Imergênsias di Massachusetts (MEMA) sta ta trabadja pertu ku kulaborason ku Administrason di Pikenas Empresas di EUA (SBA) pa ativa prugrama di empréstimu di disastri di prijuízu ekunómiku (EIDL) ki ta ben fornesi asistênsia a empresas ki ta kualifika y sen fins lukrativu afetadu pa COVID-19. EIDL ta fornesi pikenas empresas impréstimu di kapital di trabadju até 2 milhon di dólar pa djuda kumpri obrigason finanseru y dispesas di xplorason ti rekomesu di operason normal. Pa bu kandidata a EIDL, konsulta li:  https://disasterloan.sba.gov/ela

Pa apoia famílias di rendimentu baxu, n patrusina legislason (HD.4951) pa presta asistênsia imidiatu em forma di dinheru di suplimentu a 30.000 famílias di rendimentu baxu na Massachusetts ku kriansas y 19.000 idosus risidentis ki ta risebi atualmenti algun binifísiu di Stadu. Kes alguen li sta ku risku mas grandi nes pandemia, es sta infreta imensus disafius pa satisfazi ses nesesidadis básiku. Des mesmu forma, n patrusina legislason k ta limita despejus y exekuson hipotekáriu. (HD. 4935) Ninguén ka debi ser dislokadu nes mumentu krítiku. Es prujetu di lei foi ridigidu en konsulta ku Sirvisus Jurídikus di Boston, adivogadus di direitu sivil, vida di sidadi/vida urbanu, y Aliansa Judaika pa Direitu y Ason Sosial. 

Nu sabi ma trabadjador y empresas ta sufri perdas. Asembleia Legislativa aprova simana pasadu un projetu di lei pa suspendi piríudu du spera di un simana pa asistênsia a disempregu – y Stadu abri binifísius a kenha ki sta tempurariamenti dispididu, sima trabadjador di hotel. Dipartamentu di Asistênsia a Disempregu (DUA) gosi podi paga subsídiu di disempregu si un trabadjador stiver en quarentena dividu a un orden di un autoridadi sivil ou di un prufisional médiku 

ou dexa trabadju dividu a un risku razuável di xposison ou infeson ou ta kuida di un membru di família y eh ka ta pretendi ou eh ka sta autorizadu a volta pa trabadju. Trabadjador ka mesti fornesi dokumentason di médiku y es mesti so sta disponível pa trabadju kuandu y modi ki es podi. Pa bu kandidata pa disempregu na interneti, konsulta li: https://www.mass.gov/how-to/apply-for-unemployment-benefits

També n patrusina legislason pa pirmiti kobransa di asistênsia di disempregu pa mas 13 simana

pa alén di limiti di 26 simana atualmenti aplikadu pa kes ki kandidata duranti es imergênsia di saúdi públiku (HD.4962). Kes sirkunstânsias difisil y guentis mesti di apoiu, pamodi es sta tenta rikupera des situason.

N ta rikonhesi difikuldadis ki munti ristaurantis ta enfrenta, Kumison di Kontrolu di Bibidas Alkólikas (ABCC) alarga kondison di kréditu pa mas 30 dia. N pidi ABCC pes suspendi taxas pa titular di lisensas nes mumentu. També n patrusina legislason (HD. 4967) pa da ristorantis, bar y otus instalason-lisensiadu pa bendi ses atual inventáriu ka abertu di sirveja di lata ou di garafa, vinhu y bibidas mas forti pa públiku en geral através di rikolha ou entrega.

A midida ki nu ta kontinua ta enfrenta kes munti disafiu ki sta speranu, keli eh un opurtunidadi pa djuda es indústria y apoia nos pikenas empresas nes tempu difísil. També n pidi Dipartamentu di Rendimentu (DOR) pa suspendi impostu sobri rifeison pa da ristorantis un ajuda. 

N ten stadu en kontatu permanenti ku nhas kolegas, funsionárius di saúdi públiku y organizasons na tudu nha distritu duranti es piríudu difísil. À medida kes konbersus ta kontinua, nos úniku foku eh saúdi médika y ekonómika y bem-estar di nos Kumunidadi. Si bu tiver mas purguntas, priokupason ou kumentáriu, pur favor liga pa linha di tilifoni di Commonwealth pa 211, undi bu podi atxa tudu informason mas atualizadu sobri sforsus di Stadu. Pur favor, kontinua ta pratika distansiamentu físiku, laba mon y fazi bu parti pa diminui kurva y atrasa es krisi. Kes próximu simana eh txeu importanti nes mison. Djuntu, nu ta ultrapasa keli y nu ta sai mas forti ki antis! 

Sinseramenti,

A picture containing meter

Description automatically generated
Nick Collins